അലൂമിനിയം ഗ്രിൽ മോഷണം പ്രതികൾ പിടിയിൽ

കരുനാഗപ്പള്ളി : കുളത്തിന്റെ ചുറ്റും മതിലിലെ അലൂമിനിയം ഗ്രിൽ മോഷണം പ്രതികൾ പിടിയിൽ കരുനാഗപ്പള്ളി മരു: സൗത്ത് പാപ്പൻ പറമ്പിൽ ഷാനവാസ് മകൻ നാദിർഷ 28 , മരൂ സൗത്ത് കുറ്റിയിൽ വടക്കത്തിൽ സലീം മകൻ ഷാനവാസ് 29 എന്നിവരാണ് കരുനാഗപ്പള്ളി പോലീസിന്റെ പിടിയിലായത്. കരുനാഗപ്പള്ളി നഗരസഭ 33 വാർഡിൽ പള്ളിക്കൽ കുളത്തിന്റെ സംരക്ഷണത്തിന് ചുറ്റുമതിലായി നിർമ്മിച്ച അലൂമിനിയം ഷീറ്റുകൾ നിരന്തരം മോഷണം പോയി കൊണ്ടിരുന്നതാണ്. ഇതിനെതിരെ കരുനാഗപ്പള്ളി നഗരസഭ നൽകിയ പരാതിയുടെ അടിസ്ഥാനത്തിൽ കേസെടുക്കുകയും കുളത്തിന്റെ പരിസരത്തിലുള്ള സിസിടിവികളും മറ്റും പരിശോധിച്ചതിൽ പ്രതികളെ തിരിച്ചറിയുകയും ഇവരെ അറസ്റ്റ് ചെയ്യുകയും ആയിരുന്നു. പിടിയിലായ പ്രതികളെ  റിമാൻഡ് ചെയ്തു. കരുനാഗപ്പള്ളി പോലീസ് സ്റ്റേഷൻ എസ് എച്ച്ഓ ബിജുവിയുടെ നേതൃത്വത്തിൽ എസ്ഐമാരായ ഷമീർ, ആഷിക്, സജികുമാർ എസ് സി പി ഓ ഹാഷിം, സിപിഓ സജീന എന്നിവരടങ്ങിയ സംഘമാണ് പ്രതികളെ പിടികൂടിയത്.