കണ്ണൂരിൽ അഞ്ച് വയസുകാരനെ ജല സംഭരണിയിൽ മരിച്ച നിലയിൽ കണ്ടെത്തി
കണ്ണൂർ : ചെറുപുഴയിൽ 5വയസ്സുകാരനെ നിർമ്മാണ പ്രവർത്തിക്ക് വേണ്ടിയുണ്ടാക്കിയ വാട്ടർ ടാങ്കിൽ മരിച്ച നിലയിൽ കണ്ടെത്തി. അതിഥി തൊഴിലാളികളായ സ്വർണ്ണ- മണി ദമ്പതികളുടെ മകൻ വിവേക് മുർമു ആണ് മരിച്ചത്..ചെറുപുഴ സെൻറ് സെബാസ്റ്റ്യൻ ആശുപത്രി നിർമ്മാണ പ്രവർത്തിക്ക് വേണ്ടി നിർമ്മിച്ച വാട്ടർ ടാങ്കിലാണ് മൃതദേഹം കണ്ടത്..മരിച്ചകുട്ടിയുടെ മാതാപിതാക്കൾ ഇവിടെ തൊഴിലാളികളാണ്. വൈകിട്ട് നാലരയോടെ കുട്ടിയെ കാണാതായിരുന്നു. തുടർന്ന് നടത്തിയ തിരച്ചിലിലാണ് കുട്ടിയെ ടാങ്കിൽ മരിച്ച നിലയിൽ കണ്ടെത്തിയത് .കുട്ടി അബദ്ധത്തിൽ വീണതാണെന്ന് സംശയിക്കുന്നു. ചെറുപുഴപോലീസ് കൂടുതൽ അന്യേഷണം നടത്തുന്നു.
