മ​ണി​പ്പൂ​രിലെ 11 ബൂത്തുകളിൽ റീപോളിങ് നടത്തും

ഇം​ഫാ​ൽ: ആ​ദ്യ​ഘ​ട്ട വോ​ട്ടെ​ടു​പ്പി​നി​ടെ സം​ഘ​ർ​ഷമുണ്ടായ മ​ണി​പ്പൂ​രിലെ 11 ബൂത്തുകളിൽ റീപോളിങ് തീയതി പ്രഖ്യാപിച്ചു. ഏപ്രിൽ 22ന് റീപോളിങ് നടക്കും. മണിപ്പൂർ മുഖ്യ തെരഞ്ഞെടുപ്പ് വരണാധികാരിയാണ് പുതിയ റീപോളിങ് തീയതി പ്രഖ്യാപിച്ചത്. 19ന് നടന്ന വോട്ടെടുപ്പിൽ മണിപ്പൂരിൽ 69.18 ശതമാനം പോളിങ് ആണ് രേഖപ്പെടുത്തിയത്.

ഖുറൈ അസംബ്ലി മണ്ഡലത്തിൽ മൊയ്രാങ്കാമ്പ് സജീബ് അപ്പർ പ്രൈമറി സ്‌കൂൾ, എസ്. ഇബോബി പ്രൈമറി സ്‌കൂൾ (ഈസ്റ്റ് വിങ്), ക്ഷേത്രിഗാവോ-നാല് ബൂത്ത്, ഉറിപോക്ക്-മൂന്ന് ബൂത്ത്, തോങ്‌ജു-ഒരു ബൂത്ത്, കൊന്തൗജം-ഒരു ബൂത്ത് എന്നിവിടങ്ങളിലാണ് റീപോളിങ് നടത്തുക.

ആ​ദ്യ​ഘ​ട്ട വോ​ട്ടെ​ടു​പ്പി​നി​ടെ സംസ്ഥാനത്തെ നിരവധിയിടങ്ങളിൽ സം​ഘ​ർ​ഷം ഉണ്ടായതായി റിപ്പോർട്ട് ചെയ്തിരുന്നു. നാല് സ്ഥലങ്ങളിലായി അ​ക്ര​മി​ക​ൾ നാ​ല് വോ​ട്ടു​യ​ന്ത്ര​ങ്ങ​ൾ ത​ക​ർ​ത്തു. ഒ​രു ബൂ​ത്തി​ൽ അ​ജ്ഞാ​ത​ർ വോ​ട്ടു​യ​ന്ത്രം അ​ഗ്നി​ക്കി​ര​യാ​ക്കു​ക​യും ചെയ്തിരുന്നു. അ​ക്ര​മി​ക​ളെ പി​രി​ച്ചു​വി​ടാ​ൻ പൊ​ലീ​സി​ന് വെ​ടി​വെക്കേ​ണ്ട സാഹചര്യം ഉണ്ടായി.

ബി​ഷ്ണു​പു​ർ ജി​ല്ല​യി​ലെ ത​മ്‌​ന​പോ​ക്പി​യി​ൽ പോ​ളി​ങ് ബൂ​ത്ത് പി​ടി​ച്ചെ​ടു​ക്കാ​ൻ ആ​യു​ധ​ധാ​രി​ക​ൾ ശ്ര​മം ന​ട​ത്തി. വോ​ട്ട​ർ​മാ​രെ പോ​ളി​ങ്ങിൽ​ നി​ന്ന് പി​ന്തി​രി​പ്പി​ക്ക​ലാ​യി​രു​ന്നു ഇവരുടെ ല​ക്ഷ്യം. അ​ക്ര​മി​ക​ൾ തെ​ര​ഞ്ഞെ​ടു​പ്പ് ഏ​ജ​ന്റു​മാ​രെ ഭീ​ഷ​ണി​പ്പെ​ടു​ത്തു​ക​യും പോ​ളി​ങ് സ്റ്റേ​ഷ​നി​ൽ ​നി​ന്ന് പുറത്തിറങ്ങാൻ ക​ൽ​പി​ക്കു​ക​യും ചെ​യ്തു.