തിരുവനന്തപുരം വിമാനത്താവളത്തിൽ വൻ സ്വർണ വേട്ട; 1.32 കോടി രൂപയുടെ സ്വർണം പിടികൂടി

തി​രു​വ​ന​ന്ത​പു​രം: രാജ്യാന്തര വിമാനത്താവളത്തിൽ നിന്നും 1. കോടി രൂപയുടെ സ്വർണം പിടികൂടി. കസ്റ്റംസ് ഉദ്യോ​ഗസ്ഥർ നടത്തിയ പരിശോധനയിലാണ് രണ്ട് പേരിൽ നിന്നായി സ്വർണം പിടികൂടിയത്. ര​ണ്ടു യാ​ത്ര​ക്കാ​രി​ല്‍നി​ന്ന്​ 2.063 കി​ലോ​ഗ്രാം സ്വ​ര്‍ണ​മാണ് പിടികൂടിയത്. പിടിച്ചെടുത്ത സ്വർണത്തിന് ഏകദേശം 1.32കോടി രൂപ വില വരുമെന്ന് അധികൃതർ വ്യക്തമാക്കി.

ശ​നി​യാ​ഴ്ച രാ​വി​ലെ അബുദാബിയിൽ നിന്നും എത്തിയ ഫ്ലൈ​റ്റ് ന​മ്പ​ര്‍ 3 എ​ല്‍ -133 എ​യ​ര്‍ അ​റേ​ബ്യ വി​മാ​ന​ത്തി​ലെ യാത്രക്കാരനിൽ നിന്നും ശ​രീ​ര​ത്തി​നു​ള്ളി​ല്‍ ഒ​ളി​പ്പി​ച്ച​നി​ല​യി​ല്‍ കൊ​ണ്ടു​വ​ന്ന 983.43 ഗ്രാം ​സ്വ​ര്‍ണം പി​ടി​ച്ചെ​ടുത്തിരുന്നു. ഇ​തി​ന് വി​പ​ണി​യി​ല്‍ 63 ല​ക്ഷം രൂ​പ വി​ല​വ​രും.മറ്റൊന്ന് വെ​ള്ളി​യാ​ഴ്ച അ​ബു​ദ​ബി​യി​ല്‍ നി​ന്നെ​ത്തി​യ ഫ്ലൈ​റ്റ് ന​മ്പ​ര്‍ ഐ ​എ​ക്‌​സ് 538 എ​യ​ര്‍ ഇ​ന്ത്യ എ​ക്‌​സ്പ്ര​സ് വി​മാ​ന​ത്തി​ലെ​ത്തി​യ യാത്രക്കാരനിൽ നിന്നുമാണ് പിടികൂടിയത്. ഇയാളിൽ നിന്നും 1.08 കിലോയോളം വരുന്ന സ്വർണമാണ് പിടികൂടിയത്. ഇ​തി​ന് 69.39 ല​ക്ഷം രൂ​പ വി​ല വ​രും.