ഇറാനില് യുഎസ്- ഇസ്രയേല് ആക്രമണം
ടെഹ്റാന്: ഇറാന് തലസ്ഥാനമായ ടെഹ്റാനില് യുഎസ്- ഇസ്രയേല് വ്യോമാക്രമണം. ഇന്ന് പുലര്ച്ചെ നഗരത്തില് പലയിടത്തും മിസൈല് ആക്രണം നടന്നു. ആക്രമണം നടത്തിയതായി യുഎസ് പ്രസിഡന്റ് ഡോണള്ഡ് ട്രംപും ഇസ്രയേല് പ്രധാനമന്ത്രി ബെഞ്ചമിന് നെതന്യാഹുവും സ്ഥിരീകരിച്ചു. ഇസ്രായേലിനെ ലക്ഷ്യമിട്ട് ഇറാന് തിരിച്ചടി തുടങ്ങിയതായും റിപ്പോര്ട്ടുകളുണ്ട്.
ഇറാന് പരമോന്നത നേതാവ് ആയത്തുല്ല അലി ഖമേനിയുടെ ഓഫീസിന് സമീപമാണ് ഒരു സ്ഫോടനം നടന്നത്. 86 വയസുകാരനായ ഖമേനി ആ സമയത്ത് ഓഫീസില് ഉണ്ടായിരുന്നോ എന്ന് വ്യക്തമല്ല. അമേരിക്കയുമായി സംഘര്ഷം തുടരുന്ന സാഹചര്യത്തില് അദ്ദേഹം അടുത്തിടെ പൊതുവേദിയില് പ്രത്യക്ഷപ്പെട്ടിരുന്നില്ല. അതേസമയം, ഖമേനിയെ ടെഹ്റാനില് നിന്ന് മാറ്റിയതായും റിപ്പോര്ട്ടുകളുണ്ട്.
ഇറാന്റെ ഭീഷണി ഒഴിവാക്കുന്നതിനായാണ് ആക്രമണം നടത്തിയതെന്ന് ഇസ്രായേല് പ്രതിരോധ മന്ത്രി ഇസ്രായേല് കാറ്റ്സ് പറഞ്ഞു. ടെഹ്റാനില് ശക്തമായ സ്ഫോടന ശബ്ദം കേട്ടതായി നാട്ടുകാര് പറഞ്ഞു. ഇറാന്റെ ഔദ്യോഗിക ടെലിവിഷന് സ്ഫോടനത്തെക്കുറിച്ച് റിപ്പോര്ട്ട് ചെയ്തെങ്കിലും കാരണം വ്യക്തമാക്കിയിട്ടില്ല.
