ഡൽഹിയിലെ വിദ്യാലയങ്ങൾക്കുനേരെ വീണ്ടും ബോംബ് ഭീഷണി

ന്യൂഡൽഹി: രാജ്യതലസ്ഥാനത്തെ നിരവധി വി​ദ്യാഭ്യാസ സ്ഥാപനങ്ങൾക്ക് നേരെ ബോംബ് ഭീഷണി. ഡൽഹിയിലെ 50-ലധികം സ്കൂളുകൾക്ക് നേരെയാണ് ഭീഷണി സന്ദേശമെത്തിയത്. 80 ലധികം ഇമെയിലുകളാണ് വന്നത്. വെർച്വൽ പ്രൈവറ്റ് നെറ്റ് വർക്കുകളും (VPN) ഡാർക്ക് വെബും ഉപയോ​ഗിച്ചാണ് മെയിലുകളയയ്‌ക്കുന്നതെന്ന് പൊലീസ് പറഞ്ഞു.വിവരം ലഭിച്ചയുടനെ പൊലീസും ബോംബ് സ്ക്വാഡും സ്‌കൂളുകളിൽ പരിശോധന നടത്തി. സംശയാസ്പദമായി ഒന്നും കണ്ടെത്തിയിട്ടില്ല. ന്ദേശങ്ങളുടെ ഉറവിടം കണ്ടെത്താനുള്ള അന്വേഷണം നടക്കുകയാണ്.ജൂലൈ 15-ന് ദ്വാരക സ്കൂളിലേക്ക് ലഭിച്ച ഇമെയിൽ 12 വയസ്സുള്ള വിദ്യാർത്ഥിയുടേതാണെന്ന് കണ്ടെത്തിയിരുന്നു. കുട്ടി തന്റെ മൊബൈൽ ഫോൺ ഉപയോ​ഗിച്ചാണ് സന്ദേശമയച്ചത്. തുടർന്ന് കുട്ടിയുടെ മാനസികനിലയെ മാനിച്ച് കൗൺസിലിം​ഗ് നൽകി വിട്ടയച്ചു.