പൈലറ്റിൻ്റെ ആത്മഹത്യ – വലിയരീതിയിൽ പണം കാമുകൻ തട്ടിയെടുത്തതായി കുടുംബം

മുംബൈ :ആത്മഹത്യ ചെയ്ത എയർ ഇന്ത്യ പൈലറ്റ് സൃഷ്ടി തുലിയുടെയും ആരോപണ വിധേയനായ കാമുകൻ ആദിത്യ രാകേഷ് പണ്ഡിറ്റിൻ്റെയും കുടുംബാംഗങ്ങളുടെയും ബാങ്ക് അക്കൗണ്ടുകൾ തമ്മിലുള്ള പരിശോധനയിൽ ഒന്നിലധികം പണമിടപാടുകൾ നടന്നിട്ടുണ്ടെന്ന് മുംബൈ പോലീസ് കണ്ടെത്തി.

ഏകദേശം 70,000 രൂപയുടെ ഇടപാടുകൾ ഒരു മാസത്തിനുള്ളിൽ നടന്നതായി തുലിയുടെ കുടുംബം അവകാശപ്പെടുന്നു. പ്രതി ഏതെങ്കിലും വിഷയത്തിൽ തുലിയെ ബ്ലാക്ക്‌മെയിൽ ചെയ്ത് പണം തട്ടിയെടുക്കുകയാണെന്ന് കുടുംബം സംശയിക്കുമ്പോൾ, ബാങ്ക് ഇടപാടുകൾ വിശകലനം ചെയ്തു വരികയാണെന്നും ഈ പുതിയ ആരോപണങ്ങൾ പരിശോധിച്ചുവരികയാണെന്നും അന്വേഷണ ഉദ്യോഗസ്ഥർ പറഞ്ഞു.

ഗൊരഖ്പൂർ സ്വദേശിയായ തുലിയെ നവംബർ 25-ന് അന്ധേരിയിലെ (ഈസ്റ്റ്) മറോൾ പോലീസ് ക്യാമ്പിന് പിന്നിലെ വാടക താമസസ്ഥലത്താണ് മരിച്ചനിലയിൽ കണ്ടെത്തിയിരുന്നത് .ആദിത്യ പണ്ഡിറ്റിൻ്റെ പീഡനം മൂലം യുവതി മാനസികമായി തകർന്നിരുന്നതായി പ്രാഥമിക അന്വേഷണത്തിൽ സൂചന ലഭിച്ചതായി പോലീസ് പറഞ്ഞു.
ഫരീദാബാദ്-എൻസിആർ സ്വദേശിയായ പണ്ഡിറ്റ് പൈലറ്റ് പരീക്ഷയ്ക്ക് ത യ്യാറെടുക്കുകയായിരുന്നുവെങ്കിലും യോഗ്യത നേടാനായില്ല. നവംബർ 26 ന് അറസ്റ്റ് ചെയ്യപ്പെട്ട ഇയാളെ ആറ് ദിവസത്തെ പോലീസ് കസ്റ്റഡിയിൽ കഴിഞ്ഞ ശേഷം അന്ധേരി കോടതി ജുഡീഷ്യൽ കസ്റ്റഡിയിൽ വിട്ടു.

തൻ്റെ മരുമകളുടെ അക്കൗണ്ടിൽ നിന്ന് പണ്ഡിറ്റിൻ്റെ കുടുംബാംഗങ്ങളുടെ അക്കൗണ്ടുകളിലേക്ക് ഒന്നിലധികം ഇടപാടുകൾ നടന്നിട്ടുണ്ടെന്ന് കേസിലെ പരാതിക്കാരനായ തുലിയുടെ അമ്മാവൻ വിവേക് ​​കുമാർ തുലി (57) പറയുന്നു..ഒക്‌ടോബർ 31 ന് ഫരീദാബാദിലെ ഒരു ഷോറൂമിൽ നിന്ന് പണ്ഡിറ്റ് കുറച്ച് വസ്ത്രങ്ങൾ വാങ്ങുകയും പണമടയ്ക്കാൻ തുലിക്ക് ക്യുആർ കോഡ് അയയ്ക്കുകയും ചെയ്തു. തുടർന്ന് സഹോദരിയുടെ അക്കൗണ്ടിലേക്ക് 15,000 രൂപ അയയ്ക്കാൻ ആവശ്യപ്പെട്ടു. ഇതിനുശേഷം, നവംബർ 5 ന് ദീപാവലി സമയത്ത്, തൻ്റെ സഹോദരിയുടെ പ്രതിശ്രുതവധുവിൻ്റെ അക്കൗണ്ടിലേക്ക് 50,000 രൂപ അയയ്ക്കാൻ സൃഷ്ടിയോട് (തുലി) ആവശ്യപ്പെട്ടു. എന്തിനാണ് ഒരാൾ കഷ്ടപ്പെട്ട് സമ്പാദിച്ച പണം മറ്റൊരാളുടെ കുടുംബത്തിനും ബന്ധുക്കൾക്കും വേണ്ടി ചെലവഴിക്കുന്നത്. ബ്ലാക്ക്‌മെയിൽ ചെയ്യപ്പെട്ടിരിക്കാം ഈ ഇടപാടുകൾ നടത്താൻ അവൾ നിർബന്ധിതയായെന്ന് ഞങ്ങൾ ശക്തമായി സംശയിക്കുന്നു. കാരണം അറിയില്ലെങ്കിലും പോലീസ് ഈ കോണിൽ അന്വേഷണം നടത്തണം. ഈ ഇടപാടുകളുടെ വിശദാംശങ്ങൾ ഞങ്ങൾ ഇതിനകം സമർപ്പിച്ചിട്ടുണ്ട്,” വിവേക് ​​കുമാർ പറഞ്ഞു. വേറെയും ഒന്നിലധികം ഇടപാടുകൾ ഉണ്ടെന്നും എന്നാൽ പിന്നീടുള്ള ഘട്ടത്തിൽ ഞങ്ങൾ അവ പോലീസിൽ ഹാജരാക്കുമെന്നും അദ്ദേഹം പറഞ്ഞു.

ഞായറാഴ്ച ജോലി കഴിഞ്ഞ് വീട്ടിലേക്ക് മടങ്ങിയ തുളി പണ്ഡിറ്റുമായി വഴക്കിട്ടതായി പോലീസ് പ്രാഥമിക അന്വേഷണത്തിൽ കണ്ടെത്തി. പുലർച്ചെ ഒരു മണിയോടെ പണ്ഡിറ്റ് ഒരു കാറിൽ ഡൽഹിയിലേക്ക് പുറപ്പെട്ടു. തുലി അവനെ ഫോണിൽ വിളിക്കുകയും താൻ കടുത്ത നടപടി സ്വീകരിക്കാൻ പോകുകയാണെന്ന് അറിയിക്കുകയും ചെയ്തു. കാമുകൻ വീട്ടിലെത്തുമ്പോഴേക്കും ഡാറ്റ കേബിൾ ഉപയോഗിച്ച് തുളി തൂങ്ങിമരിക്കുമായുമായിരുന്നു.

പണ്ഡിറ്റ് തുലിയെ മരോളിലെ സെവൻ ഹിൽസ് ഹോസ്പിറ്റലിൽ എത്തിച്ചു, അവിടെ അവൾ മരിച്ചു. തുടർന്ന് അവളുടെ വീട്ടുകാരെയും പോലീസിനെയും വിവരമറിയിച്ചു. പ്രാഥമിക അന്വേഷണമനുസരിച്ച്, കാമുകനുമായുള്ള വഴക്കാണ് യുവ പൈലറ്റിനെ ആത്മഹത്യക്ക് പ്രേരിപ്പിച്ചത്.