2024ൽ വിമാനങ്ങൾക്ക് നേരെ 728 വ്യാജ ബോംബ് ഭീഷണികൾ :അറസ്റ്റ് 13
ന്യൂഡല്‍ഹി : കഴിഞ്ഞ വർഷം ആകെ വിമാന കമ്പനികള്‍ക്ക് ലഭിച്ചത് 728 വ്യാജ ബോംബ് ഭീഷണികൾ .. ഇതില്‍ 714 എണ്ണം ആഭ്യന്തര സര്‍വീസുകള്‍ക്ക് നേരെയാണുണ്ടായത് .സിവില്‍ ഏവിയേഷന്‍ മന്ത്രാലയം ഇന്ന് ലോകസഭയിൽ നൽകിയ കണക്കുപ്രകാരം ഇതുമായി ബന്ധപ്പെട്ട് 13 പേരെ അറസ്റ്റ് ചെയ്തു. ഏറ്റവും കൂടുതല്‍ ഭീഷണി ലഭിച്ചത് ഇന്‍ഡിഗോ വിമാന സർവീസിനാണ്. 216 ഭീഷണികള്‍ 2024ല്‍ ഇന്‍ഡിഗോയെ ലക്ഷ്യം വച്ചെത്തിയിട്ടുണ്ട്. 728 ഭീഷണികളിൽ 14 എണ്ണം എട്ട് വിദേശ വിമാനക്കമ്പനികൾക്കാണ് ലഭിച്ചത്.
വ്യാജ ബോംബ് ഭീഷണിയുമായി ബന്ധപ്പെട്ട് 2024ൽ 13 പേരെ അറസ്റ്റ് ചെയ്തതായി സിവിൽ ഏവിയേഷൻ സഹമന്ത്രി മുരളീധർ മോഹൽ ഫെബ്രുവരി രാജ്യസഭയിൽ എംപി പരിമൾ നത്വാനിയുടെ ചോദ്യത്തിന് മറുപടിയായി പറഞ്ഞു.
എയര്‍ ഇന്ത്യയാണ് രണ്ടാമത്. 179 ഭീഷണികള്‍ ലഭിച്ചു. വിസ്‌താര (153), ആകാശ എയര്‍ (72), സ്‌പൈസ് ജെറ്റ് (35), അലയന്‍സ് എയര്‍ (26), എയര്‍ ഇന്ത്യ എക്‌സ്‌പ്രസ് (19), സ്റ്റാര്‍ എയര്‍ (14) എന്നിങ്ങനെയാണ് ഭീഷണിയുടെ കണക്കുകള്‍.
2024 ഒക്‌ടോബർ അഭൂതപൂർവമായ വ്യാജ ബോംബ് ഭീഷണികൾക്ക് സാക്ഷ്യം വഹിച്ചു, വെറും രണ്ടാഴ്ചയ്ക്കുള്ളിൽ 500 ഓളം സംഭവങ്ങൾ റിപ്പോർട്ട് ചെയ്യപ്പെട്ടു.ഇതുകാരണം വിമാന യാത്ര സമയങ്ങളിൽ വലിയ പ്രശ്നങ്ങൾ സൃഷ്ടിക്കുകയും വിമാന സർവീസുകളിൽ വ്യാപകമായ തടസ്സമുണ്ടാകുകയും ചെയ്തു.
അന്താരഷ്ട്ര സർവീസ് നടത്തുന്ന ഇന്ത്യൻ വിമാനങ്ങളെയാണ് ഇത് കൂടുതലും ബാധിച്ചത്.ഇവ വിദേശ വ്യോമാതിർത്തിയിൽ എത്തിയപ്പോൾ ഭീഷണികൾ ലഭിച്ചിരുന്നു, ഇത് മറ്റ് സർക്കാരുകളും അന്താരാഷ്ട്ര ഏജൻസികളും ഇടപെടുന്നതിന് കാരണമായി. അപകടത്തിൽപ്പെട്ട വിമാനങ്ങൾക്ക് അകമ്പടി സേവിക്കാൻ മറ്റ് രാജ്യങ്ങൾ യുദ്ധവിമാനങ്ങൾ അയച്ച സംഭവങ്ങളുണ്ടായി .
“ബ്യൂറോ ഓഫ് സിവിൽ ഏവിയേഷൻ സെക്യൂരിറ്റി ഇത്തരം ഭീഷണികൾ കൈകാര്യം ചെയ്യുന്നതിന് ശക്തമായ പ്രോട്ടോക്കോളുകൾ നിർബന്ധമാക്കിയിട്ടുണ്ട്. ഇത്തരം ഭീഷണികൾ കൈകാര്യം ചെയ്യുന്നതിനായി വിശദമായ ആകസ്മിക പദ്ധതിയായ ബോംബ് ത്രെറ്റ് കണ്ടിജൻസി പ്ലാൻ (ബിടിസിപി) നിലവിലുണ്ട്. ബിടിസിപിയുടെ ഭാഗമായി, എല്ലാ വിമാനത്താവളങ്ങളിലും ഒരു നിയുക്ത ബോംബ് ത്രെറ്റ് അസസ്‌മെൻ്റ് കമ്മിറ്റി (ബിടിഎസി) ഉണ്ട്, അത് ഭീഷണി വിശകലനം ചെയ്യുകയും അതിനനുസരിച്ച് പ്രവർത്തിക്കുകയും ചെയ്യുന്നു, ” മന്ത്രി മുരളീധർ മോഹൽ രാജ്യസഭയിൽ പറഞ്ഞു.
എല്ലാ ബോംബ് ഭീഷണിയും എയർപോർട്ട് അധികാരികൾ, എയർ ട്രാഫിക് കൺട്രോളർമാർ, എയർക്രൂ, സുരക്ഷാ ഏജൻസികൾ എന്നിവർ സ്ഥാപിത പ്രോട്ടോക്കോളുകൾക്ക് അനുസൃതമായി പ്രവർത്തിക്കുകയും അപകടത്തിൻ്റെ ഗൗരവത്തെ ആശ്രയിച്ച് ഉചിതമായ ഇടപെടൽ നടത്തുന്നു.വിമാനം നിലത്തായാലും പറക്കലിനായാലും അത് ഇന്ത്യൻ നിയന്ത്രിത വ്യോമമേഖലയിലോ അതിനപ്പുറത്തോ ആയാലും ഇതുണ്ടാകുമെന്ന് മന്ത്രി പറഞ്ഞു.
