തെലങ്കാനയിൽ ടണൽ ഇടിഞ്ഞുവീണ് 7 തൊഴിലാളികൾ കുടുങ്ങി
തെലങ്കാന: ടണൽ ഇടിഞ്ഞുവീണ് തൊഴിലാളികൾ കുടുങ്ങി. നാഗർകുർണൂലിലെ ശ്രീശൈലം ലെഫ്റ്റ് ബാങ്ക് കനാൽ ടണൽ ഇടിഞ്ഞു അപകടം. ഏഴ് തൊഴിലാളികൾ കുടുങ്ങി. ടണൽ മുഖത്ത് നിന്ന് 14 കിലോമീറ്റർ അകത്താണ് അപകടം. ഏഴ് തൊഴിലാളികളാണ് കുടുങ്ങിയത്. നിരവധി പേർക്ക് പരുക്കേറ്റു.
രക്ഷാപ്രവർത്തനത്തിന് രണ്ട് സംഘങ്ങൾ ടണലിനകത്ത് കയറി. 50 തൊഴിലാളികളാണ് ആകെ ഉണ്ടായിരുന്നത്. 43 തൊഴിലാളികളെ രക്ഷപ്പെടുത്തി. ബാക്കി ഏഴു പേർ ടണലിൽ കുടുങ്ങുകയായിരുന്നു. ടണലിലെ ചോർച്ച പരിഹരിക്കുന്നതിനുള്ള ജോലിയിൽ ഏർപ്പെട്ടിരുന്ന തൊഴിലാളികളാണ് അപകടത്തിൽപ്പെട്ടത്. തുരങ്കത്തിനുള്ളിലെ ആശയവിനിമയ സംവിധാനം തകരാറിയതിനെ തുടർന്ന് തൊഴിലാളികളുമായി ആശയവിനിമയം നടത്താൻ കഴിഞ്ഞിട്ടില്ലെന്ന് കളക്ടർ പറഞ്ഞു.
