സർക്കാർ സ്‌കൂളിന്റെ മേല്‍ക്കൂര തകർന്നുവീണ് 4വിദ്യാർത്ഥികൾക്ക് ദാരുണാന്ത്യം
ജയ്‌പൂർ:രാജസ്ഥാനിൽ സർക്കാർ സ്കൂൾ കെട്ടിടം തകർന്നുവീണ് നാല് കുട്ടികൾ മരിച്ചു, 17 പേർക്ക് പരിക്കേറ്റു.ഝല്‍വാർ ജില്ലയില്‍ പിപ്പ്‌ലോഡി ഗ്രാമത്തിലെ യുപി സ്‌കൂളിലാണ് അപകടമുണ്ടായത്. കുറച്ച്‌ കുട്ടികള്‍ തത്സമയം മരിച്ചതായും നിരവധി കുട്ടികള്‍ അടിയില്‍ കുടുങ്ങിക്കിടക്കുന്നതായുമാണ് പ്രാഥമിക വിവരം പുറത്തുവന്നത്.
സംഭവം നടന്നയുടൻ രക്ഷാസേനയും ഗ്രാമീണരും ചേർന്ന് ജെസിബി ഉപയോഗിച്ച്‌ സ്ഥലത്തെ അവശിഷ്‌ടങ്ങള്‍ നീക്കം ചെയ്‌തു. പരിക്കേറ്റ കുട്ടികളെ സമീപത്തുള്ള മനോഹർ താണ കമ്മ്യൂണിറ്റി ആരോഗ്യകേന്ദ്രത്തില്‍ എത്തിച്ച്‌ ചികിത്സ നല്‍കി. എത്രപേർക്ക് കൃത്യമായി പരിക്കേറ്റെന്ന് വ്യക്തമല്ലെങ്കിലും കുറച്ചുപേർക്കെങ്കിലും ഗുരുതര പരിക്കേറ്റിട്ടുണ്ടെന്നാണ് അധികൃതർ വ്യക്തമാക്കുന്നത്.; വിദ്യാഭ്യാസ മന്ത്രി ഉന്നതതല അന്വേഷണത്തിന് ഉത്തരവിട്ടു.
