ജുവനൈല്‍ ഹോമില്‍18 കാരനെ കൊലപ്പെടുത്തി .
തൃശൂര്‍: രാമവർമ്മപുരം ജുവനൈല്‍ ഹോമില്‍ അന്തേവാസിയായ 18 കാരനെ സഹ അന്തേവാസി ചുറ്റിക കൊണ്ട് തലക്കടിച്ച്‌ കൊലപ്പെടുത്തി . ഇരിങ്ങാലക്കുട സ്വദേശി അഭിഷേക് ആണ് മരിച്ചത്. ഇന്ന് രാവിലെ ആറരയോടെയാണ് കൊലപാതകം നടന്നത്. അന്തേവാസിയായ മറ്റൊരു കൗമാരക്കാരനുമായി ഇന്നലെ രാത്രി വലിയ തര്‍ക്കവും വെല്ലുവിളിയും ഉണ്ടായിരുന്നു. ഈ പകയില്‍ ഉറങ്ങിക്കിടന്ന അഭിഷേകിനെ തലയ്ക്കടിച്ചു മാരകമായി പരിക്കേല്‍പ്പിക്കുകയുമായിരുന്നു .അഭിഷേകിനെ ഉടന്‍ തന്നെ തൃശൂര്‍ മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
